نكره القلب اللي يحبك

كي ترقد اليل و النجوم ثاني

تجي صورتك وتقابلني

تجي صورتك و تخايلني..

كي تفطن الشمس تلقاني

سبقتها أو سبقت خيالي

كل يوم نديرها بلعاني..

شي مي نسيني فللي راح

شي مي خفف عليا الجراح

لو كان غير الماضي يولي..

و كرهت اليل و كرهت الصباح

اللي بنيتو داتو الرياح

لو كان غير الماضي يولي..

و نكره القلب اللي يحبك

اللي ما بقالو مقام في قلبك

اللي بعتو أو هو شاريك..

و نحب اللي تعذب لك قلبك

كيمن هكدا يجرالك

تولي تقول آش داني ليك..

وينعل القلب اللي يحبك..

قلبي بالحزان تعمّر

كي زهري كسر الحجر

حتى بنيت داري فوق الرمل..

في الصيف الشمس تحرق

في الخريف تطيح الورق

و أنا موالفة على الاستحمال..

متفكرة الماضي و الزمان

كلشي محقق في البيان

غي نتفكر تدمع عيني

لو كان نحكي نعمر ديوان

لو كان نبكي نعمر ويدان

إلى وحدة ما تكفيني..!